Lənkəran məktəbliləri arasında “Qarabağ Azərbaycandır” bilik yarışına start verilib -FOTOLAR

  Aria.Az xəbər verir ki,  Azərbaycan Respublikası Elm və Təhsil NazirliyiAzərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 7-ci qrant müsabiqəsinin qalibi - Gülşən Axundzadənin rəhbəri olduğu  “Qarabağ Azərbaycandır!” məktəblilərarası bilik yarışı layihəsinin icrasının əsas mərhələsinə start verilib. 22.10.2023 tarixində layihənin rəhbəri – Lənkəran rayonu Gərmətük qəsəbə tam orta məktəbinin direktoru Gülşən Axundzadənin, layihənin eksperti – Lənkəran Dövlət Universitetinin müəllimi Samir Salayevin, Lənkəran - Astara Regional Təhsil İdarəsinin Lənkəran rayonu üzrə sektorunun aparıcı məsləhətçisi Cəmil Axundzadənin iştirakı ilə layihənin icra planına uyğun olaraq birinci ərazinin məktəbliləri arasında “Qarabağ Azərbaycandır!” bilik yarışı təşkil olunub. Lənkəran şəhəri M.Bağırov adına 1 nömrəli tam orta məktəbində təşkil olunan yarışda Lənkəran şəhərinin ümumtəhsil müəssisələri, şəhərə yaxın yerləşən Sütəmurdov, Velədi, Şilavar və Digah kənd tam orta məktəblərinin şagirdləri mübarizə aparıb. Şagirdlərə layihə çərçivəsində hazırlanmış sual kitabçalarında 30 ədəd sual Qarabağımızın Tarixi, 30 ədəd sual Qarabağımızın Coğrafiyası mövzu istiqamətlərində qapalı, açıq və situasiya tipli tapşırıqlar təqdim olunub. Qeyd edək ki, “Qarabağ Azərbaycandır!” məktəblilərarası bilik yarışı layihəsi çərçivəsində daha 4 ərazidə birinci turun təşkilindən sonra 22-30 dekabr 2023-cil tarixlərində “Qarabağ Azərbaycandır!” bilik yarışının nəticələri elan olunacaq. Hər bir ərazi üzrə ilk 5 yeri qazanan məktəbli 14 yanvar 2024-cü il tarixində təşkil olunacaq “Qarabağ Azərbaycandır!” bilik yarışının final turunda iştirak hüququ qazanacaq. Final yarışında ilk 3 yeri qazanan məktəblilər və onların təmsil etdikləri ümumtəhsil müəssisələri kubok, medal və diplomlarla təltif olunacaqdır. 

         Qeyd edək ki, “Qarabağ Azərbaycandır!” məktəblilərarası bilik yarışı layihəsi 15.09.2023-15.02.2024 tarixlərində Lənkəran rayonunda icra olunur.  05 noyabr 2023 tarixində “Qarabağ Azərbaycandır!” məktəblilərarası bilik yarışı layihəsinin icra planına uyğun olaraq ikinci ərazi kimi nəzərdə tutulan Lənkəran rayonunun Girdəni, İstisu, Viravul (1 və 2 saylı), Vilvan, Separadi, Tükəvilə, Zövlə, Xarxatan, Cil, Şağlaser (ümumi və tam), Osaküçə, Maloja, Tatova, Sinovli, Günəhir, Gəgiran, Jidi, Türkəncil, Bəleton və s. ümumtəhsil müəssisələrinin şagirdləri arasında təşkil olunacaq.