Aİ-dən Azərbaycan və Ermənistanla bağlı - Bəyanat
Avropa İttifaqının (Aİ) Xarici siyasət və təhlükəsizlik məsələləri üzrə Ali Nümayəndəsinin sözçüsü Peter Stano Ermənistan və Azərbaycan arasında atəşkəsin imzalanmasının ildönümü ilə bağlı bəyanat yayıb.
Aria.Az xəbər verir ki, bu barədə Aİ-nin rəsmi saytında məlumat yayımlanıb.
Bəyanatda bildirilib ki, Aİ xüsusilə atəşkəs rejiminə ciddi riayət etməyə, minaların təmizlənməsi üzrə tam əməkdaşlığa və sərhədyanı ərazilərdə gərginliyin azaldılmasına çağırır.
Aİ, həmçinin, tərəflərin ehtiyac duyduğu texniki yardım göstərməklə sərhədlərin demarkasiyası və delimitasiyasını dəstəkləməyə hazır olduğunu bildirib.
