Zurabişvili peyvənd olunmayanların müalicəsini pullu etməyə çağırdı
Gürcüstan Prezidenti Salome Zurabişvili insanları koronavirusa qarşı aktiv peyvənd olmağa təşviq etmək üçün ictimai yerlərə səfər etməkdən ötrü COVİD pasportu sisteminin və peyvənd olunmamış şəxslər üçün isə ödənişli müalicənin tətbiqinə çağırıb.
Aria.Az gürcü mediasına istinadən xəbər verir ki, Zurabişvili bununla bağlı brifinqdə deyib:
“Rəhbərliyi yüksək risk altında olan vətəndaşlar üçün peyvənd məcburiyyəti gətirməyə, ictimai yerlərdə COVID pasportlarını tətbiq etməyə və hətta peyvənd olunmamış şəxslər üçün ödənişli müalicə qurmağa çağırıram”.
Qeyd edək ki, son vaxtlar Gürcüstanda koronavirusa yoluxanların sayında gündəlik artım 4-6 min nəfər təşkil edir.
