Şahzadənin 603 milyonluq sarayı -

Səudiyyə Ərəbistanının vəliəhd şahzadəsi Məhəmməd bin Salman dünyanın ən bahalı və dəbdəbəli saraylarından birinə sahibdir.

Aria.Az xarici KİV-ə istinadən xəbər verir ki, möhtəşəm şato Fransada yerləşir və yalnız Versaldan geri qalır.

Məlumata görə, o, sarayı 2015-ci ildə 230 milyon funta (603 milyon AZN) satın alıb. Şahzadə əvvəllər sarayı aldığını mediadan gizlətməyə çalışsa da, buna nail olmayıb.

XIV Lüdovik adlı 4645 kvadrat metrlik kral mülkü 2008-2011-ci illərdə 17-ci əsrdə Fransa qalaları üzərində modelləşdirilib. Şato Luvesyendə, Versal yaxınlığında yerləşir.

Köşkün ən təsirli məqamlarından biri salondakı nəhəng akvariumdur. Şəffaf divarlar sayəsində divanların düz yanında sazan və nərə balığının üzdüyünü görmək olar.

Qalada on dəbdəbəli yataq otağı, nəhəng qəbul otaqları, kitabxana və 3000 şüşə elit spirti saxlayan şərab zirzəmisi var. Bundan başqa, malikanədə kinoteatr, açıq və qapalı hovuzlar və gecə klubu da mövcuddur.