“Araz” Çempionlar Liqasına məğlubiyyətlə başladı

Futzal üzrə Azərbaycan çempionu “Araz” (Naxçıvan) bu gün UEFA Çempionlar Liqasının əsas mərhələsində mübarizəyə başlayıb.

Aria.Az xəbər verir ki, B yolunda yer alan Joze Alesio Da Silvanın baş məşqçi olduğu kollektiv 6-cı qrupdakı ilk sınağında Ukraynanın “Uraqan” komandası ilə üz-üzə gəlib.

İvano-Frankivski şəhərindəki Peşəkar Bədən Tərbiyə Kollecinin zalında keçirilən qarşılaşmada komandamız meydanı 1:2 hesablı məğlubiyyətlə tərk edib.

UEFA Çempionlar Liqası
6-cı qrup
28 oktyabr

Uraqan (Ukrayna) – Araz (Naxçıvan, Azərbaycan) 2:1
Qol: N.Şved, 9:46. A.Farenyuk, 15:04 – R.Çovdarov, 29:29.
Baş hakim: Yosip Barton (Şimali Makedoniya).
İvano-Frankivski. Peşəkar Bədən Tərbiyə Kollecinin zalı.