“Yuventus” öz meydanında məğlub oldu

Futbol üzrə İtaliya A Seriyasının X turun növbəti oyunları keçirilib.

Aria.Az xəbər verir ki, turun ikinci oyun günün gözlənilməz hesabı Turində qeydə alınıb.

“Yuventus” öz meydanında “Sassuolo”ya 2:1 hesabı ilə məğlub olub.

Oyunda hesabı matçın 44-cü dəqiqəsində David Frattezi açıb. Fasilədən sonra Veston Mekkenni hesaba tarazlıq gətirib. Oyunun əsas vaxtına əlavə olunmuş beşinci dəqiqədə qonaqlar yenidən hesabda önə keçib. Maksim Lopez fərqlənib.

Bu nəticədən sonra "Yuventus" 15 xalla səkkizinci, "Sassuolo" isə 14 xalla bir pillə aşağıda yer alıb.

Günün digər görüşlərində "Atalanta" səfərdə "Sampdoriya"nı 3:1 hesabı ilə məğlub edib. "Udineze" - "Verona" matçında qalib müəyyənləşməyib - 1:1.