Şimal Ərazi Baş Gömrük İdarəsinin əməkdaşları aztəminatlı ailələrə yardım ediblər
Xüsusi karantin rejimi dövründə aztəminatlı ailələrə dəstək tədbirləri çərçivəsində Dövlət Gömrük Komitəsinin əməkdaşları daha 80 ailəyə köməklik göstəriblər.
- Aria.Az-a daxil olan məlumata görə, bu dəfə Şimal Ərazi Baş Gömrük İdarəsinin əməkdaşları Xaçmaz və Qusar rayonları ərazisində yaşayan aztəminatlı ailələrə və yaşı 65-dən yuxarı olan şəxslərə baş çəkərək onlara gündəlik qida məhsullarından ibarət ərzaq sovqatı paylayıb, ailələrlə profilaktik söhbətlər aparıb, xüsusi karantin rejimi dövründə evdə qalmalarını tövsiyə ediblər.
- Ailələr isə öz növbəsində onlara göstərilən diqqət və qayğıya görə Dövlət Gömrük Komitəsinin kollektivinə minnətdarlıqlarını bildiriblər.
