QOXLA, SEV - ŞEİR
QOXLA,SEV
- Göz oxşayan çiçək nə çox çəməndə,
- Sən dərdiyin çiçəyini qoxla, sev.
- Gül ətriylə düşməyəsən kəməndə,
- Üzdüyünü tər çiçək tək qoxla, sev.
- Bu bahardı - çiçəyi bol, gülü bol,
- Sən də baxıb öz gülünə heyran ol.
- Özgə gülü sonda olar tikan-kol,
- Sənə qalar öz çiçəyin, qoxla, sev.
- Kim deyir ki, gülün ömrü az olar?
- Gül ömrünü gülü üzənlər yazar.
- Üzdüyündən olmayasan sən bezar,
- Cənnətindi bu gül sənin, qoxla sev.
- Nəzakətin düzdür sözü, ilqarı,
- Bağçasını xəzan edib rüzgarı.
- Hər aşiqin yarı olsun gülzarı,
- Bağrına bas gül yarını, qoxla, sev.
- NƏZAKƏT
